Guardia di Finanza ka publikuar videon nga aksioni i sotëm, që tregon se ku ishte fshehur kokaina me vlerë 2 milion euro nga çifti shqiptar. Operacioni antidrogë u krye nga Financierët e Komandës Provinciale të Romës që në bashkëpunim me zyrtarët e Agjencisë së Doganave dhe Monopolit zbuluan çiftin shqiptar në aeroportin e Fiumicinos.
Të sapomartuarit ktheheshin nga muaji i mjaltit nga San Paolo,Brazil, në tranzit nga aeroporti i Romës, me destinacion Tiranë.
Teksa kanë dyshuar për sigurinë ekstreme të treguar nga çifti shqiptar, policët kanë bërë disa pyetje formale. Por, gruaja ka zbuluar shtatzëninë e saj, për të shmangur kontrollet nga ana e karabinierëve. Megjithatë, ende dyshues për shqiptarët, policët kanë vendosur të kryejnë një inspektim të bagazheve.
Menjëherë çifti ka vënë në skenë “planin B”, teksa gruaja ka treguar ekografinë që provonte gjendjen e saj të shtatzënisë, duke u ankuar për një shtatzëni në rrezik.
Por, as kjo nuk ka bërë që karabinierët të tolerojnë çiftin, duke i shkuar kontrollit të valixheve deri në fund.
Siç duket edhe nga videoja, brenda dy fundeve të fshehur në muret e valixheve u gjetën 5 kilogramë kokainë e pastër. Ende nuk dihet identiteti i çiftit të arrestuar.
