Një hotel në Sarandë është përfshirë nga flakët e zjarrit në orët e para të mëngjesit të sotëm në lagjen nr.4 të qytetit bregdetar. Zjarri ra fillimisht në katin e parë, por flakët arritën deri sipër godinës.
Fatmirësisht nga flakët e zjarrit nuk pati persona të lënduar, por vetëm dëme materiale. Në vendngjarje shkuan zjarrfikësit, të cilët bënë të mundur shuarjen e zjarrit.
Shkaqet janë të paqarta, por ka nisur një hetim për të zbuluar çfarë shkaktoi flakët e zjarrit. Ajo që dihet deri tani është se vatra e zjarrit ka qenë në ambientet e personelit.
