Një anije luftarake e marinës ROYAL u ‘ngacmua’ nga 17 avionë luftarakë rusë në një shfaqje “të pashembullt” të forcës ushtarake pranë Gadishullit të aneksuar të Krimesë.
Luftanija “HMS Duncan” po lundronte përmes Detit të Zi me një flotë anijesh luftarake të NATO-s. Ky ka qenë momenti kur është “sulmuar” nga avionët luftarakë rusë të cilët shfaqën “armiqësi” të zjarrtë ndaj saj.
Ngjarja ka ndodhur në Maj të këtij viti. Ndërsa videoja e momentit dramatik u transmetua si pjesë e dokumentarit Channel 5. Ky material u publikua pas operacioneve të shkatërruesit të Tipit 45 në rajonin e paqëndrueshëm.
Në pamje shikohen avionët rusë duke fluturuar shumë afër me anijen dhe kishte gjasa të përplaseshin. Kjo do të çonte në një rrëzim të mundshëm të avionëve rusë.
Sekretari i Mbrojtjes Gavin Williamson vlerësoi veprimet e ekuipazhit në bordin e “HMS Duncan” përballë agresionit rus, raporton Daily Star.
Williamson tha:
“Gjatë vitit të kaluar, HMS Duncan dhe ekuipazhi i saj kanë mishëruar rolin kyç që luan Mbretëria e Bashkuar në NATO. Si anije e NATO-s, ajo është përballur me armiqësi të ashpër ruse në Detin e Zi ku avionët luturonin lart. Ajo është ndjekur nga anijet ruse të spiunazhit.
Ndërsa luftanija ka luajtur një rol jetësor për të mbrojtur aleatët e NATO-s. Ajo ka pasur një rol kyç gjatë sulmeve britanike, amerikane dhe franceze kundër objekteve të armëve kimike siriane.
Nëpërmjet vendosjes së saj, kjo anije udhëheqëse botërore tregoi se edhe pse po dalim nga BE, Britania ka rol global dhe është e angazhuar në skenën botërore”.
Deti i Zi, i vendosur në mes të Evropës Lindore dhe Azisë Perëndimore, është shndërruar në një pikë alarmi për incidentet ushtarake të tensionuara që përfshijnë luftanije dhe avionë të Rusisë, NATO-s dhe Ukrainës.
Tensionet kanë qenë të larta në rajon qëkur Rusia ka konfiskuar Krimenë nga Ukraina në vitin 2014 dhe mbështeti një kryengritje në rajonin lindor Donbass që ka vrarë më shumë se 10,000 njerëz./TIRANA TODAY/
