Pas akuzave nga ish-kryeministri Berisha se Artur Meçollari është spiun, del certifikata e sigurisë që ai ka marrë nga NATO.
Siç duket në dokumentin e mëposhtëm, Meçollarit i është dhënë certifikata nga NATO me datën 5.9.2016 me një kohëzgjatje deri më datën 22.4.2020.
Ndërkohë, ndryshe nga deklarata e Berishës, deputeti demokrat Gjunkshi tha për Meçollarin: “Ka qenë një ushtarak i përgatitur, për të cilin Shtetet e Bashkuara kanë investuar si për shumë ushtarakë të tjerë. Atij, gjatë përballjes për t’u graduar në gradën e gjeneralit dhe për të avancuar në detyrë, në dosjen e tij personale u gjetën informacione komprometuese dhe nuk mund të avanconte”.
Meçollari, i cilësuar “spiun” nga ish-kryeministri Berisha, sipas Imamit është mbrojtur nga Ministria e Mbrojtjes në gjyqin e nisur ndaj tij, pasi çështja nuk u apelua.
