E ëma e Cristiano Ronaldos ka bërë një deklaratë të fortë në mediat në Portugali. Dolores Aveiro, thotë se mafia në futboll ka penalizuar djalin e saj për të fituar më shumë “Topin të Artë”. Lajmi është bërë i ditur nga SICNoticias.
Deklaratës së saj i është bërë jehonë nga gjithë mediat nëpër botë. Ajo ka thënë: “Ekziston një mafia dhe është fjala e duhur për ta përkufizuar. Nëse shikoni gjithçka që ka ndodhur, do ta kuptoni se është për shkak të mafias. Nëse do të ishte spanjoll ose anglez, ata nuk do të bënin atë që i bënë atij. Por meqë ai është portugez dhe nga Madeira, kjo mund të ndodhë”.
Sipas saj, i biri e merton në mënyrë absolute “Topin e Artë” këtë sezon.
“Nuk e di nëse do ta marrë ai atë, por besoj. E meriton nëse analizojmë atë çfarë ka bërë ai gjatë sezonit”. Cristiano Ronaldo është një prej kandidatëve kryesorë për të fituar, ndërkohë që rivalët më të fortë janë Lionel Messi dhe Virgil van Dijk.
