Lideri i BDI-së, Ali Ahmeti, siguroi mbrëmë se deklarata e përbashkët e partive politike shqiptare, do të jetë e përfshirë në programin qeveritar.
Gjatë një komunikimi me mediet, nga selia e partisë së tij, Ahmeti tha se, “Deklarata e përbashkët e partive politike shqiptare, është e përfshirë në të gjitha programet e partive shqiptare dhe nuk mendoj që paraqet as rrezik, por as edhe ndonjë anashkalim të çështjeve që kanë të bëjnë me perspektivën dhe stabilitetin e vendit dhe të shtetit”.
Madje sipas tij, deklarata është në të mirë të Republikës së Maqedonisë dhe të rajonit dhe ka çështje shumë të rëndësishme, siç është anëtarësimi i vendit në NATO, në BE, zhvillimi ekonomik, zhvillimi i barabartë i rajoneve, etj.
“Nuk ka asgjë të keqe në deklaratën e përbashkët, dhe pikat kryesore të asaj deklarate janë të përfshira në programin qeveritar. Po ka çështje në atë deklaratë politike të cilat do të shtrohen për diskutim publik, dhe nuk është fshehtësi”, tha mes Ahmeti.
