Senatori amerikan, John McCain, ka bërë një deklaratë të fortë, lidhur me konfliktin me Sirinë, në të cilin është përfshirë edhe Rusia.
Në një intervistë për CNN, McCain tha se rusët janë të këqij, njësoj si Bashar al Assad.
“Ata janë njësoj të këqij si Bashar al Assad. Janë aeroplanët luftarakë rusë me armë të precizitetit të lartë ata të cilët kanë goditur spitalet në Aleppo. Ata kanë dërguar dronë, identifikuan spitalet dhe i goditën”, ka thënë senatori amerikan, pasi u pyet nëse beson se Rusia ishte në dijeni për sulmin kimik.
Duket se marrëdhënia mes Rusisë dhe SHBA-ve është shumë e tensionuar për shkak të qëndrimeve ekstreme që kanë marrë këto superfuqi lidhur me Sirinë. Madje, ekzistojnë hipoteza se mes Rusisë dhe SHBA-ve, ky konflikt është fillimi i një lufte mes tyre.
