Dedikimi i vrasësit për viktimën e tij: “Luftova, të ëndërrova në altar me fustan të bardhë…”

Xhafer Mata 31 vjeç vrau mëngjesin e sotëm 19-vjeçaren Xhuljeta Çuni në lagjen “Don Bosko”. Mata, baba i një djali 2 vjeç, i divorcuar dy muaj më parë nga bashkëshortja vendosi t’i jepte fund jetës së tij pasi vrau Çunin me pistoletë.

Xhafer Mata sipas fqinjëve kishte pasur konflikte të vazhdueshme me ish-bashkëshorten e tij. Tepër aktiv në rrjetet sociale, Mata shkruan në profilin e tij në Facebook një dedikim që daton prej vitit 2014, por sillet në vëmendje në datën 4 qershor 2018, 4 ditë para tragjedisë.“Luftova, humba shpirtin pas saj. Shita shpirtin pas asaj dashurie , kalova çdo natë duke ndërtuar ëndrra , edhe iluzione. Kalova net pa gjumë, duke e menduar! Duke menduar që në altar të ishte ajo me fustan të bardhe edhe unë të jem dhëndri. Ëndërrova me atë. Por edhe pse e desha më shumë se veten, kjo gjë nuk mjaftoi”, shkruante Xhafer Mata në Facebook.