Në momentin e prezantimit, një lumë kritikash dhe ofendimesh vërshuan në drejtim të Diego Armando Maradonës, i cili mori pozicionin e trajnerit në një klub meksikan. Por legjenda e Argjentinës nuk ka preferuar të replikojë në konferenca për shtyp dhe përgjigjet i jep në fushë.
Ekipi që ai drejton, Dorados Di Sinaloa, ka fituar në ndeshjen e parë debutuese në shifrat e thella 4-1 ndaj skuadrës së Tapaçulas. Sulmuesi Angulo arriti të shënojë 3 gola duke dhuruar spektakël, tregues ky që afirmon argjentinasin edhe si trajner në Meksikë.
Golat dhe festa e Maradonës ka mahnitur të pranishmit, ndërsa mediat i kanë kushtuar hapësirë të madhe momenteve të “shpërthimit” të legjendës së Argjentinës.
Media më e madhe në Meksikë, ditë më parë përmes një artikulli e cilësoi Maradonën si të paaftë, duke e shtuar se ardhja e tij në Meksikë , është një tallje që iu bëhet trajnerëve vendas.
