Kryeministri Edi Rama ka ndërhyrë në debatin mes deputeti Erion Braçe dhe ministrit Arben Ahmetaj. Debati bijoi në sallën e Kuvendit, ndërsa Rama e cilësoi si një debat pozitiv, ndërsa thumboi opozitën për mungesën e saj duke shtuar se tashmë mazhoranca bën edhe rolin e opozitës.
“Është pozitive që ne bëjmë debate dhe amendamente, bëjmë dhe opozitën e këtij parlamenti. Praktikisht gjithë dita e sotme ka qenë e frytshme, pasi ka qenë për përmirësime të draftit të buxhetit dhe paketën fiskale. Mesazhi i këtij buxheti dhe pakete është shumë pozitiv. pavarësisht se fokus në këtë seancë tek disa amendamente mund të krijojë ide pak më ndryshe. Dëshiroj të kujtoj se në Shqipëri akoma s’kemi asnjë hotel me 5 yje. Asnjë! Nëse duam të zhvillojmë turizmin dhe të jemi konkurrues në rajon, i kemi mundësitë”, tha Rama.
Mbledhja e grupit parlamentar të PS-së u shoqërua me debate mes ministrit Ahmetaj dhe Erion Braçes. Ky i fundit kërkoi mostatimin e pagave deri në 400 mijë lekë, gjë që u kundërshtua edhe nga Ahmetaj.
