Numri një i Napolit, Aurelio de Laurentiis, ka shfrenuar “fantazinë” për të sjellë ndryshime drastike në futboll. Ai është një president kontrovers, që gjithmonë shkakton polemika me deklaratat e tij, por tani duket se do të ndryshojë gjithçka në futboll.
“Po e shkatërrojmë futbollin. Duhet të shikojmë nga e ardhmja, sepse të rinjtë janë të gjithë të fokusuar në videolojëra. Po fundosemi dhe do ta shikoni se pas tetë vitesh fëmijët që sapo kanë lindur s’do t’ia dinë për futbollin”.
Dhe nga opinioni i përgjithshëm te propozimet konkrete, që sipas De Laurentiis, do të sjellin ndryshime pozitive.
“Sot sfidat janë shumë të gjata, optimalja do të ishte të luheshin dy gjysmë nga 30 minyta me një pushim 2-3-minutësh në mes. Është faji ynë, ne jemi idiotë të moshuar. Ndeshjet janë të mërzitshme, ato janë shumë të gjata, të zë gjumi.”
De Laurentiis shkon më tej kur propozim krijimin e një lige me 5 skuadrat më të mira të ligave kryesore.
“Nëse bëjmë një kampionat nga 5 vendet kryesore me nga katër skuadra për çdo ligë në vend të Championsit do të bëheshin 20 skuadra që do të luanin vetëm një ndeshje me secilin kundërshtar, në bazë të shortit, brenda ose jashtë. Do të luhej të martën, të mërkurën dhe të enjten, ndërsa e shtuna e diela dhe e hëna do të rezervoheshin për kampionatet vendase.”
Sipas De Laurentiis, ky skenar, që i shkon për statusin e regjisorit, do të sillte një përfitim prej 10 miliardë eurosh.
