De Laurentiis merr vendimin e madh për të ardhmen e Hysajt

Elseid Hysaj është emri që ka bërë më shumë bujë ne merkaton e Napolit për këtë sezon dhe duket se më në fund ka reaguar edhe presidentin De Laurentiis për këtë çështje. Ai ka vendosur që mbrojtësi i kombëtares shqiptare nuk do të largohe, madje gazeta italiane “Il Mattino”, raporton se do të ketë një rinovim kontrate. De Laurentiis po punon që Hysaj të firmosë një kontratë të re me një klauzolë shumë më të lartë se aktualja (50 milionë euro).Ish-tekniku i Napolit, Maurizio Sarri, pritet që shumë shpejt të marrë drejtimin e Chelsea-t dhe një ndër emrat kryesorë që ai kërkon të marrë me vete në Londër është pikërisht mbrojtësi kuqezi, me të cilin ka një bashkëpunim të hershëm që nga koha kur të dy ishin pjesë e Empolit. Ky interesim i vazhdueshëm duket se nuk i pëlqen aspak presidentit De Laurentiis, i cili është gati ta blindojë 24-vjeçarin. Hysaj gjithashtu shihet si i pashitshëm edhe për teknikun e ri të Napolit, Carlo Ancelotti, i cili beson shumë tek aftësitë e shkodranit.