Deportivi Alaves do të ulë në pankinë ish trajnerin e kombëtares Shqiptare, Xhani De Biasi-n. Tekniku Italian është duke nisur një sfidë të re me një ekip që vjen nga disa humbje radhas. Në stafin teknik do të ketë në përbërje pothuajse të njëjtin grup që kishte në Shqipëri, kjo të bën të besosh se ai do të sjellë ngritje në ekip si çbëri edhe me kombëtaren tonë duke e çuar në Evropian.
“Objektivi ynë nuk është të fitojmë kampionatin. Synojmë të dalim të katërtët nga fundi, kaq e thjeshtë”, tha ndër të tjera De Biazi.
Për largimin nga Shqipëria
“Kam një marrëdhënie të shkëlqyer me të gjithë në Shqipëri. Largimi nga Shqipëria ishte një akt dashurie ndaj të gjithë Shqipërisë. Me Spanjën e Italinë që janë pak para nesh, vetëm pak, jo shumë (qesh), nuk do të shkonim në Rusi. Mendova se trajneri i ri do të përgatitej më përpara për atë që vjen në edicionin tjetër.
Para ndeshjes me Maqedoninë, të parën pas Europianit, u thashë: ‘Djem, ju mendoni se jeni tani lojtarë Europiani, që ia keni dalë, etj. Por ju jeni vetëm lojtarët e sezonit të kaluar, por pa dëshirën për të fituar që kishit në sezonin e kaluar. A e dini përse? Se mendoni se jeni perfekt, se jeni lojtarë futbolli, se mendoni se jeni që tani më të mirët. Nuk është kështu. Ju mendoni në mendjen tuaj që do të bëni të njëjtën gjë. Jo, bëni më pak, në mënyrë të pandërgjegjshme, bëni më pak.’
