Prej muajsh flitej që Gianni De Biasi do të merrte drejtimin e një kombëtareje të njohur, por duket se tashmë gjithçka ka ndryshuar. Ish-trajneri i kombëtares shqiptare sipas mediave italiane është shumë pranë stolit të një skuadre në Serie A, Frosinones.
Kjo e fundit mori në disfatë ditën e djeshme në shtëpinë e saj kundër skuadrës së Sasuolos me rezultatin 0-2. Pas kësaj humbje, nga mediat italiane janë të sigurta që trajneri aktual i Frosinones do shkarkohet dhe për këtë gjë pritet vetëm zyrtarizimi.
Si zëvendësues të tij tek skuadra e Seris A, pritet të jetë pikërisht Xhani De Biasi, teksa raportohet se ka patur takim me drejtuesit e këtij klubi për të vendosur kontratën. Sipas “tg24.info” thuhet se kjo tratativ ka mbetur ende pezull, për shkak të disa kushteve që i ka vendosur ish trajneri i Kombëtares, ekipit të Frosinones.
Çdo gjë mbetet për t’u parë, nëse De Basi do të arrij të vendos një marrëveshje me këtë skuadër, për t’u rikthyer të bëjë sërish trajnerin, por tanimë jo në një Kombëtare, por tek një klub italian.
