Ish-trajneri i Kombëtares shqiptare, Giani De Biasi ishte pranë akordit me klubin e Serisë A, Frosinone, por kërkesat e larta të 62-vjeçarit, bërën që palët mos të gjenin gjuhën e përbashkët.
Ka qenë vetë De Biasi, që në një prononcim për mediat italiane, ka konfirmuar interesimin e skuadrës të Serisë A, teksa nuk e fsheh dëshirën që të rikthehet në stolin e një skuadre, qoftë kjo italiane, apo diku tjetër.
Trajneri kërkon nga klubet një vlerësim në nivelin profesional dhe nuk preferon që të drejtojë një skuadër që nuk i plotëson kërkesat e tij.
“Isha fare pranë stolit të Frosinones, por nuk ishin kushtet për ta mbyllur marrëveshjen. Dëshiroj të kthehem në stolin e një skuadre, në Itali apo diku tjetër, por do të doja një vlerësim në nivelin profesional për karrierën time”, u shpreh De Biasi.
