Qeveria daneze njoftoi se kriminelët e huaj që janë dëbuar prej Danimarkës duhet të dërgohen në një ishull të largët jashtë brigjeve të vendit të tyre.
Ministri i Financave, Kristian Jensen tha se kriminelët do të dëbohen në një kamp të ruajtur me policë i cili quhet Lindholm, kampi do të jetë i vendosur në një ishull të pabanuar prej shtatë hektarësh në provincën Vordingborg.
Skema e vështirë u krijua si pjesë e një marrëveshjeje midis qeverisë konservatore të koalicionit të Danimarkës dhe aleatit të saj anti-imigracionit, Partisë Popullore Daneze (DF).
E përditshmja britanike “telegraph” shkruan se institucioni Lindholm do të strehojë azilkërkuesit e refuzuar të cilët janë dënuar për krime, si dhe shtetas të huaj që nuk kanë leje qëndrimi, por nuk mund të dëbohen për arsye ligjore.
Për shembull, disa prej atyre që duhet të mbahen në kamp janë ata pa shtetësi, ndërsa të tjerë vijnë nga vende të cilat nuk kanë një marrëveshje riatdhesimi me Danimarkën. TIRANA TODAY
