Është mbyllur në barazim pa gola superndeshja e natës së sotme mes Danimarkës dhe Irlandës. Gjithcka mbetet e hapur dhe do të vendoset në sfidën e të martës në Dublin. Me atë që pamë në fushë sonte duket se Danimarka ka më shumë shanse për të vazhduar më tej, por nuk dihet se çfarë surprize mund të ketë bërë Irlanda për ndeshjen e kthimit. Një gjë është e sigurt që edhe në ndeshje e dytë këto dy ekipe do të luftojnë mjaft fort.
Edhe pse nuk pati gola danezët kanë zhvilluar një ndeshje mjaft të mirë, kane qenë pikërisht ata që kanë sulmuar në çdo moment por miqtë janë mbrojtur me të gjitha forcat. Raste të pafund por portieri irlandez ka qenë i pakalueshëm. Eriksen me shokë kanë zhvilluar një ndeshje fantastike, me raste të pafundme për të shënuar, por nuk arritën asnjëherë të finalizojë si duhet dhe gjithcka ngelet e hapur për ndeshjen e dytë që do të zhvillohet në Dublin.
Parashikohet që Irlanda të ndryshojë diçka në stilin e lojës, sepse nëse do të vazhdojë të mbrohet me 11 lojtarë, në një moment apo tjetër do të vijë dhe goli për Danimarkën. Ndeshja e sotme është dominuar në çdo aspekt nga vendasit, por fati dhe mrekullitë që bëri portieri Randolph ia mohuan festën.
