Një tragjedi e rëndë ka ndodhur ditën e djeshme për dy familje shqiptare, që jetojnë në Athinë. Ishte ora 05:40 e mëngjesit, kur një kamioni i drejtuar nga një 64-vjeçar nën efektin e alkoolit, humbi kontrollin dhe përplasi dy makina në rrugën Athinë – Pire.
Nga përplasja humbën jetën dy shqiptarët Spiro Guri dhe Dhimitër Pabuko 65 vjeç. Ndërsa e plagosur rëndë mbeti Blerina Guri 35 vjeç, vajza e të ndjerit Spiro Guri, e cila ndodhet në spitalin e Athinës, në gjendje të rënd.
Nga ana tjetër ditën e djeshme ka reaguar për mediat greke edhe e ëma e 35-vjeçares . Ajoi ka shprehur pikëllimin për aksidentin e rëndë, ku humbi bashkëshortin ndërsa vajzën e ka në gjendje të rëndë. Me lot në sy, ajo shpjegoi se Spiro Guri po çonte vajzën në punë me makinë, si çdo ditë. Blerina punon në një furrë në Pire. Por këtë herë fati nuk ishte në anën e tyre.
Ndërsa, shqiptari i dytë Dhimitër Pabuko ishte nën drejtimin e makinës së dytë që u përplas nga kamioni. Nipi i tij foli i revoltuar për mediat greke, duke shprehur mllef për shoferin e trajlerit që shkaktoi aksidentin. Shoferi i kamionit kishte pirë alkool në sasi të mëdha kur përplasi dy makinat e shqiptarëve. Familjarë të tij thanë se ai është në gjendje të rëndë depresive prej shumë kohësh. Vite më parë i kanë vrarë vëllain dhe më pas ka humbur djalin në një aksident rrugor me motor. Shoferi është arrestuar nga policia dhe hetimet po vazhdojnë ende
