Nuk kanë të sosur akuzat dhe replikat midis kryetarit të LIBRA, Ben Blushi, dhe kryebashkiakut të Durrësit, Vangjush Dako.
Blushi gjatë një takimi sot, në Durrës, artikuloi akuza të forta në drejtim të kryebashkiakut Dako, duke e quajtur atë pjesë të bandave.
Nga ana tjetër, pa kaluar 2 orë ka ardhur edhe kundërpërgjigjia e Dakos, i cili shprehet se Blushi e akuzon atë me gjuhën e Saliut.
Gjithashtu, kryebashkiaku i Durrësit ka ironizuar Blushin, lidhur me të shkuarën e tyre, kur ky i fundit i kërkonte tendera.
“Qenke marrë prapë me mua sot me gjuhën e Sali Berishës! Po Saliu të paktën e ka një taban e do s’e do. Kurse, kjo puna jote në gjuhën popullore quhet pune kuçkash! Ti je një kuçkë profesioniste me një pamje prej mashtruesi firmato.
Po ti nuk mashtron dot asnjë socialist se ata të njohin çfarë malli je! Më vjen për të vjellë sa herë flet se më kujtohet si më lëpiheshe për të marrë tendera! Apo nuk të kujtohet kur vijë dhe më thoshe, jepja tenderin X-it apo Y-it se rregullohemi bashkë?! Ti je një sekser i sëmurë për lekë, që bën sikur je shkrimtar! Këtë s’e di vetëm unë por edhe të tjerë, që edhe sot u rri nëpër dyer për të kap ndonjë lek si sekser! Kjo politikë prej kuçke që ti ke bërë gjithmonë është natyra jote e vërtetë. Prandaj s’të doli asnjë ditë e keqja që s’u bëre dot ministër i Edi Ramës. Ju qepe Edi Ramës me gurë në trastë dhe thoshe pa pikë turpi, po në të tjerët ku do hamë!!!
Mua më je qepur me gurë në trastë qëkur ta kam thënë copë publikisht se ti je qesharak si Grida. Po në fakt edhe Gridën është gjynah ta krahasosh me ty! Ti je një kuçkë që nuk e ke as shoqen as shokun. Megjithatë, jam shumë i gëzuar që më në fund do matesh me votë me mua. Shumë shpejt do vijë 18 qershori dhe do ta shohësh vetë çfarë respekti kanë durrsakët për një mashtrues firmato si puna jote!”- shkruan Dako në rrjetin social Facebook.
