Tekniku i korçarëve, Ilir Daja pas fitores së marrë përballë Vllaznisë në javën e fundi në fazën e parë u shpreh se ekipi ndjeu lodhje prandaj nuk u shfaq në lartësinë e duhur. Kishim mungesa dhe lojtarë që vinin nga dëmtimi dhe kjo nuk na dha luksin të bënim rotacion. Sa u përket aleatëve ne as nuk kemi pasur dhe as nuk kemi, luftojmë të vetëm në kampionat.
“Synimi për sot ishte tre pikshi, dhe të cilën e arritëm. Mund të luanim më mirë, por lodhja bën të veten. Nuk mund të bëjmë shumë rotacione. Nuk mund të freskojmë ekipin, pasi shumë lojtarë vijnë nga dëmtimet, edhe Dita sot nuk ishte në 18-she. Na e ngushtojnë mundësinë për të bërë rotacion, por pa humbur ekuilibrat në fushë. Qëllimi për sot ishte fitorja dhe e arritëm. Ekipi tregoi mentalitet fituesi, edhe pas lodhjes së kësaj jave.”
Në pjesën e dytë, patët disa probleme pas zëvendësimeve.
“Natyrisht gabimet vijnë edhe nga ndërrimet, shpesh herë të detyruara prej dëmtimeve. Kemi shumë futbollistë dhe disa po luajnë vërtetë pak, por kush luan duhet ta meritojë vendin në formacion.”
Gjici akuzoi se keni aleat Vllazninë.
“Besoj se Takaj mund ta japë vetë këtë përgjigje. Ne nuk kemi pasur aleatë, as këtë vit as një sezon më parë. U bë zgjedhja më e mirë, pasi i krijoi lojtarëve mundësi të luajnë në një terren sa më mirë. Në këtë moment mund të duket si një bonus për ne, por ndeshja në një fushë sportive nuk është në të mirë të askujt. Ndeshjet që sot i kemi brenda, nesër do kthehen në transferta për ne.”
