Ministri i Jashtëm i Serbisë, Ivica Daçiç tha se shqiptarët janë budallenj nëse mendojnë se dikush do të detyrojë Serbinë që të njohë pavarësinë e Kosovës pa një kompromis.
Këtë deklaratë, Vuçiç e bëri teksa ishte i ftuar në RTS.
“Nuk e di nëse e kuptojnë se janë budallenj nëse mendojnë se dikush do të detyrojë me forcë që Vuçiç apo Serbia të njohin Kosovën pa një kompromis”.
Ai theksoi se presidenti Vuçiç dëshiron të zgjidhë çështjen e Kosovës për të ardhmen, por nëse mendojnë se ai do veprojë pa asnjë marrëveshje apo kompromis, ky është një mendim naiv dhe i gabuar.
“Unë flas vazhdimisht me Vuçiçin, sepse e shoh se ai është i shqetësuar për këtë pasi nuk është e lehtë, ekziston një presion i madh që Serbia të normalizojë marrëdhëniet me Prishtinën në mënyrë që të ketë një rrugë evropiane, mirëpo Prishtina nuk po bën përpjekje për normalizim të marrëdhënieve me Serbinë. Duke pasur për bazë përvojën time, jam i sigurt dhe po e paralajmëroj Vuçiçin se ata po e gënjejnë, nuk duan kompromis, mirëpo duan njohjen e Kosovës”, tha Daçiç.
Ministri i Jashtëm serb shtoi se Beogradi do të vazhdojë detyrat e vetë, gjë që i bën shqiptarët edhe më të irrituar, edhe pse ata thonë se këto janë lojëra fëmijësh dhe se gjithçka do të zgjidhet.
Daçiç tha se fakti se çështja e Kosovës nuk zgjidhet, dëshmohet nga fakti sipas tij, që shumë vende po e tërheqin njohjen e Kosovës.
Shefi i diplomacisë serbe ka përsëritur se ka frikë që Vuçiq po gënjehet nga shqiptarët e Kosovës si dhe nga një pjesë e komunitetit të ndërkombëtarëve.
“Një pjesë e komitetit ndërkombëtar nuk ka për qëllim që të kërkojë kompromis, ata thonë që kjo temë është kryer në vitin 2008. A besojnë ata se ne do ta njohim Kosovën për shkak të anëtarësimit në BE? Epo, kush mund ta bëjë këtë? Secili duhet të turpërohet vetëm që të mendojë se dikush do ta bënte këtë. Çfarë lloji i shtetit do të ishte ai që do t’ia lejonte vetes një gjë të tillë? Askush s’do ta lejonte, kështu që jam i sigurt se as Serbia nuk do ta lejojë”, tha Daçiç.
