Ramush Haradinaj tashme nuk është i kërkuar nga INTERPOL. Ky njoftim ka mërzitur shumë Serbinë. Ministri i Jashtëm i serb, Ivica Daçiç tha se Serbia nuk e ka tërhequr as fletarrestin e as aktakuzën kundër kryeministrit të Kosovës, Ramush Haradinaj, dhe ka përkujtuar se tërheqja e fletarrestit të Interpolit është bërë me kërkesë të UNMIK-ut.
Më tutje, duke folur sot para gazetarëve në Beograd, Daçiç theksoi se “tërheqja e fletarrestit do të nënkuptonte se ne kemi hequr dorë nga ndjekja, por ne këtë nuk e kemi bërë”, tha Ivica Daçiç.
Ministri i drejtësisë i Kosovës, Abelard Tahiri, të premten ka konfirmuar për Radion Evropa e Lirë, se emri i kryeministrit të Kosovës, Ramush Haradinaj, është hequr nga lista e personave në kërkim nga Interpoli.
