Deputetja e LSI, Silvana Caka, ka shokuar opinionin publik teksa ka thënë se para skandalit të rastit “Xhisiela”, ajo nuk e njihte deputetin e PS, Rrahman Rraja. E ftuar në emisionin ‘Kafein’, Caka ka thënë se nuk e kishte idenë se ai ekzistonte si deputet. Deputetja e LSI lëshon “bombën”, duke thënë se shumë deputetë nuk vijnë në seancat parlamentare, pasi mbyllin pazaret në zonat që përfaqësojnë, komuna, apo bashki.
“As nuk e njihja si fytyrë. Madje, nuk e kisha idenë se ekzistonte. Aty ka shumë në fakt nga Rilindja që nuk e kam idenë se ekzistojnë, për të mos gënjyer nuk vijnë fare në seancat parlamentare, sepse mbyllin pazaret në zonat që përfaqësojnë, komuna, apo bashki”, u shpreh ajo.
Rasti i 25-vjeçares nga Fushë-Kruja mori më shumë bujë, pas dëshmisë së ish-oficerit Emiljano Nuhu, i cili denoncoi fisin Rraja, se e kanë kërcënuar me jetë në rast se nuk mbyllte dosjen në ngarkim të Rexhep Rrajës, si dhe i është drejtuar pistoleta në zyrën e tij edhe në prani të kreut të Grupit Parlamentar të PS, Taulant Balla.
