Gjatë mbledhjes së grupit parlamentar të PS, kryeministri Rama nuk e përmendi çështjen e djalit të deputetit Rraja, i arrestuar të dielën për ushtrim dhune ndaj një vajze. Pas largimit të tij nga mbledhja, për shkak të agjendës së ngjeshur, ka qenë kreu i grupit parlamentar, Taulant Balla, ai që ka thënë se PS duhet të fokusohet te agjenda e saj, e të mos merret me opozitën, e cila, sipas Ballës, ka hallet e veta.
Deputeti Rraja nuk ka qenë prezent në mbledhjen e grupit, ndërsa më pas ai ka komentuar shkurtimisht për gazetarët, duke thënë se nuk largohet nga PS.
https://tiranatoday.com/rrahman-rraja-nuk-largohen-nga-grupi-parlamentar-i-ps-hiqeni-nga-mendja/
Ndonëse i biri tashmë është në pranga, deputeti Rraja mohoi që djali i tij të ketë ushtruar dhunë ndaj shtetases Xhisiela Maloku. “S’ka lidhje me atë punë. Djali im s’ka kryer dhunë. Nuk largohem nga PS”, ka thënë Rraja.
Rexhep Rraja u arrestua paraditen e së dielës, 30 shtator, teksa ndodhej në një biznes që jepte makina me qira, pranë Rinasit. Ndaj tij është ngritur vetëm akuza e “Përndjekjes”.
Qëndrimi i deputetit socialist nuk ka ikur pa marrë vemendjen e PD-së. Sipas kësaj force, reduktimi i akuzës vetëm për “përndjekje” ndaj Rrexhep Rrajës është një truk i kryeministrit Rama, me qëllim që ai të lirohet pas gjashtë muajve.
“Në vend që një përdhunues që kërcënon me armë një vajzë të pambrojtur, të gjykohet për krimet e tij më të rënda, pushteti i Edi Ramës i ka garantuar lehtësim të akuzës. Nëse shpallet fajtor, i biri i deputetit do të dalë nga qelia pas 6 muajsh.
Ndërkohë, deri më sot për vajzën nuk është ofruar asnjë mbrojtje. Xhisiela vazhdon të jetojë nën kërcënimin e bandës me pushtet, e cila ka garancinë e Edi Ramës për mosprekjen e tyre”, tha ndër të tjera Jorida Tabaku.
https://tiranatoday.com/demokratet-terbohen-nga-reagimi-i-rrahman-rrajes-po-synojne-mbylljen-e-skandalit/
