Cudirat shqiptare/Lojtari firmos me ekipin e ri në një pikë bastesh

Fenomenet “alla shqiptarçe” duket se nuk mund t’i ndahen as momenteve të rëndësishme të futbollit shqiptar. Çudia e fundit duket se ka ardhur nga Ekipi i Besës, i cili  ka zyrtarizuar dje dy blerjet e reja në merkato. Megjithatë vëmendja nuk ka shkuar tek kontratat, por tek vendi që është përzgjedhur për t’i firmosur.

Pas fotove të publikuara nga rrjetet sociale, është zbuluar se ekipi i Kavajës duket se ka firmosur me ish-lojtarin e Erzenit, Armand Pasha, brenda një pike bastesh. Ky skandal nuk i ka shpëtuar syrit mediatik por as qytetarëve, të cilët shprehen nëpër komente se vendi i zgjedhur nga drejtuesit e klubit përbën një simbolikë të fortë për situatën ku ndodhet futbolli shqiptar.