Çudirat shqiptare nga sezoni veror duket se nuk kanë fund. Përpos çmimeve të cilat detyrojnë pushuesit të lënë edhe qindarkat e fundit, vendosin edhe tabela me ca kërkesa qesharake.
Një ndër to është që në një shezlon të mos qëndrojnë dy veta. Përpos kërkesës e cila është jashtë çdo logjike, të vjen keq kur shikon sesi është shkruar. Kjo tabelë është vendosur në një nga plazhet që po frekuentohet masivisht, ai i Darzezës në Fier.
E gjithë zona ka një vije bregdetare prej 15 kilometrash me plazh ranor, dhe fare pranë pyjeve me pisha.
