Bashkia e Shkodrës ka nxjerrë në ankand klubin e futbollit të Vlaznisë. Një dokument i firmosur nga kryetarja e bashkisë Voltana Ademi, e bën të ditur këtë skandal, për një nga ekipet më të forta në Shqipëri. “Klubi i Futbollit Vllaznia”, në histori numëron 9 fitore, si kampione e Shqipërisë dhe 11 herë nënkampione, po lëviz prej vitesh në ujëra të turbulla në Superligë. Vitin e kaluar mbijetuan në javën e fundit, ndërsa këtë vit, sërish janë pretendentë për të rënë një kategori më poshtë, për herë të parë në historinë e tyre.
Por, në një dokument të publikuar nga Open Data, thuhet se Bashkia e Shkodrës, zotëron të gjitha aksionet e klubit por që kërkon ta shesë.
Dikumenti i cili mban datën 16 nëntor 2017, ka hapur një tender për “shërbim konsulence”, për vlerësimin e aseteve dhe përgatitja e dokumentacionit për shitjen me ankand të aksioneve të Bashkisë Shkodër të Klubit të Futbollit “Vllaznia”. Edhe pse është një nga klubet më të mëdha në verilindje të vendut, kryetarja Voltana Ademi ka ndërmend tia u jap privatëve, dhe për këtë ajo do të paguajë një konsulencë, me rreth 833,333 lekë.
Në dokumentin e Bashkisë Shkodër thotë se është e nevojshme që KF. Vllaznisë sh.a, si një klub me kërkesa të mëdha financiare, t’i krijohet mundesia e nje administrimi më të përshtatshëm nëpërmjet privatizimit te tij. “Privatizimi lind si nevoje për ta fuqizuar KF. Vllaznia sh.a. Historiku i ketij klubi tregon se përpara se ta merrte administrimin bashkia, sponsorët kanë arritur ta mbajnë KF. Vllaznine në nivel të lartë, në vendet e para të klasifikimit, madje duke fituar edhe trofe dhe duke marrë pjesë në Kupat e Europës.” – thuhet në dokumenta.
Vllaznia Ne Ankand by Tirana Today on Scribd
“Privatizimi i klubit është një domosdoshmëri për ta rikthyer këtë klub kryesues në tabelën e renditjes. Gjithashtu dhe tifozeria shkodrane mirepritet një proces të tillë privatizimi, si një potencial për të bashkuar më shumë burime financiare, menaxheriale e teknike në dobi të skuadrës së zemrës e cila i ka dhuruar emocione dhe ato e kanë duartrokitur me breza”,- thotë bashkia. TIRANA TODAY
