Thibaut Courtois nuk ka ndërmend të largohet nga Chelsea dhe ka gati rinovimin e kontratës, edhe pse ajo skadon në 2019-ën. Por jo vetëm ai, janë të dy belgët e Bluve të Londrës që kanë bërë një lloj “pakti’, që nëse qëndron ti qëndroj dhe un, bëhet fjalë me Eden Hazard. Të dy lojtarët u përfol se do të transferoheshin tek Real Madrid, por duket se këto kanë qenë zëra të rreme. “Jam i lumtur te Chelsea dhe një marrëveshje është pranë. A ishte një shpërqendrim historia e rinovimit? Jo për mua, kam qenë gjithmonë i qetë dhe i shplodhur, pavarësisht zërave dhe aludimeve. Jam i përqendruar te Chelsea dhe jam i lumtur këtu”, deklaroi portieri për ‘London Evening Standard’.
Kontrata e belgut tjetër të skuadrës në “Stamford Bridge” skadon në vitin 2020, dhe ylli i “Bluve të Londrës” mund të ndjekë gjurmët e portierit bashkëkombës. “Unë dhe Eden kemi inkurajuar njëri tjetrin. Nëse firmos ti, atëherë firmos edhe unë. Mendoj se jemi të dy të lumtur te Chelsea, kemi fituar titullin dy herë në katër sezonet që ndodhem këtu dhe mund të arrijmë majat me këtë fanellë”, deklaroi gardiani i portës së Chelseas.
