Conor McGregor është gati për duelin e mijëvjeçarit. Të shtunën e ardhshme në “T-Mobile Arena”, të Las Vegasit, gjigandi irlandez do të sfidojë kampionin amerikan Floyd Mayweather në një duel të vërtetë force. Për 29-vjeçarin ky është dueli më i rëndësishëm në karrierë ndërsa për Mayweather tashmë në moshën 40-vjeçare ajo ndaj McGregor mund të jetë sfida e tij e lamtumirës nga boksi profesionist, transmeton Supersport.
Vetë Mayweather e ka cilësuar McGregor-in, si favoritin e madh për fitoren finale për vetëm faktin se irlandezi është 11 vjet më i ri në moshë se amerikani.
Megjithatë, vetë McGregor nuk është aq i sigurt ai e respekton në maksimum rivalin e tij dhe i trembet fakti që Maywether do të bëjë një ndeshje në kufijtë e perfeksionit, për t’i bërë një mbylle sa më spektkolare karrierës së tij.
Nga ana tjetër irlandezi mendon se duhet të bëjë paraqitjen e tij më të mirë në karrierë për të fituar ndaj eksperiencës së Floyd Mayweather.
