Çokollata kult Toblerone, ndër më të njohurat në botë, mori së fundi certifikatën hallall. Hallall është një fjalë arabe që tregon se një ushqim apo shërbim është i lejueshëm sipas ligjit islam. Ajo përjashton ushqimet që përmbajnë mish derri ose alkool dhe kërkon që kafshët të theren nga një mysliman me prerje në fyt, pa u trullosur.
Kjo do të thotë se sipas ligjit islam, myslimanëve u lejohet të hanë këtë çokollatë zvicerane pa asnjë rezervë.
“CNN” shkruan se ky veprim i kompanisë së çokollatave Toblerone ka zemëruar shumë evropianët. Shumë qytetar ë kanë parë këtë gjë si islamizim i Europës. Shumë prej tyre kanë deklaruar se nuk do të beljnë më çokollata Toblerone.
Ka pasur shumë reagime në rrjetet sociale të cilët kanë deklaruar se nuk do të hanë më çokollata Toblerone, dhe se firma e famshme ishte tashmë në listën e tyre të zezë të ushqimeve.
“Hallall është shumë më tepër se vetëm heqja dorë nga mishi i derrit apo alkooli. Kjo është një filozofi e jetës që nuk ka të bëjë vetëm me ushqimin, por edhe në shumë fusha të tjera – mjekësi, farmaci, kozmetikë, sistem bankar, modë…”, tha Mounir Khouzami nga rrjeti arab zviceran.
Biznesi hallall po përhapet me shpejtësi, mu prej faktit të rritjes së popullsisë myslimane në Europë. Në Francë, ku jetojnë gjashtë milionë myslimanë, produktet hallall kanë tejkaluar tashmë ushqimet e zakonshme.
Khouzami këshilloi menaxherët që të jenë më pak segmentuar gjeografikisht dhe më shumë në drejtim të orientimit fetar të konsumatorëve.
