«Çohuni nga kafet, çohuni nga kafet, bashkohuni me ne!», janë këto thirrjet që studentët u kanë bërë të gjithë qytetarëve gjatë marshimit drejt Ministrisë së Arsimit.
Pas mbledhjes në korpusin e Universitetit, ata kanë nisur marshimin, ndërsa kanë shmangur kalimin para Kryeministrisë. Kjo për arsye se studentët e kanë bërë të qartë se protesta e tyre nuk është politike dhe e tillë do të qëndrojë.
Të pyetur se përse e refuzuan kërkesën e kryeministrit Rama për të biseduar, ata u treguan mjaft të prerë: «Nuk ka negociata nëse nuk plotësohen kërkesat tona, që tashmë ata i dinë».
