Më 6 dhjetor do të zhvillohet ceremonia e ndarjes së Çmimeve Letrare, në sallën e Teatrit të Kukullave.
Ceremonia mbështetet nga Ministria e Kulturës dhe nis në orën 17:00. Juria përbëhet nga kryetari Primo Shllaku dhe anëtarët Flutura Açka, Elsa Demo, Bajram Karabolli dhe Lisandri Kola.
Por, kush janë kandidatët e nominuar për çmimin “Vepra letrare më e mirë e vitit” dhe “Vepra letrare më e mirë e vitit e përkthyer” për vitin 2016?
Nominimet vijojnë si më poshtë:
Kandidatët për çmimin “Vepra më e mirë e vitit”:
- Ardian Kyçyku – INCOGNITO (roman), Shtëpia Botuese NAIMI
- Erion Papagjoni – NJE BURRE MES DY GRAVE (dramë), Shtëpia Botuese ADA
- Idlir Azizaj – SHEKSPIROTET (novela dramaturgjike), Shtëpia Botuese TOENA
- Meritan Spahija – VEGIMET E FUNDIT (tregime), Shtëpia Botuese FIORENTIA
- Romeo Çollaku – MJALT NË TEH (roman), Shtëpia Botuese ZENIT
Kandidatët për çmimin “Vepra më e mirë e vitit e përkthyer”:
- Agron Tufa – TRISTIA (poezi), Osip Mandelstam – Shtëpia Botuese PIKA PA SIPËRFAQE
- Diana Kastrati – KANALI MUSOLINI (roman), Antonio Pennacchi – Shtëpia Botuese DITURIA
- Ermira Danaj- NJË FRYMËMARRJE JETE, PASIONI SIPAS G. H. (roman), Clarice Lispector, Shtëpia Botuese OMBRA GMG.
- Luljeta Lleshanaku – Bija e varrmihësit (roman), Joyce Carol Oates, Shtëpia Botuese ALBAS
- Romeo Çollaku – POEZI TË ZGJEDHURA, Konstandinos Kavafis, Shtëpia Botuese ZENIT
