Një burrë 83-vjeçar turk pranoi para gjykatë të Stambollit se kishte vrarë gruan e tij 74-vjeçare. I moshuari shokon gjykatën me arsyet pse e kishte vrarë bashkëshorten. Autori pranoi se kishte vrarë gruan pikërisht se ajo kishte biseduar me burra të tjerë dhe se e kishte kërcënuar me divorc.
Autori, Bilal Aksakal tha para gjykatës se gruaja e tij e ndjerë Esme Aksakal kishte flirtuar me një burrë për telefon, gjithashtu i kishte dërguar mesazhe dhe foto.
“Hurriyetdailynews” shkruan se viktima kishte vendosur të shkonte në provincën perëndimore të Çanakkale të Turqisë me shokun e ri gjerman që kishte njohur.
‘Ju lutemi mos e bëni këtë,i thashë gruas time”, deklaroi autori, por ajo ma ktheu: “Do të shkoj. Nëse je burrë, merre thikën dhe ther mua dhe atë, e mbaroje ketë punë. Ajo e shtyu thikën drejt meje. I mora thikën dhe ja ngula Esmes. Më pas ajo u rrëzua në tokë.”
Megjithatë, Saadet Olcay, motra e viktimës, tha se Esme Aksakal ishte ekspozuar ndaj dhunës në familje për një kohë të gjatë.
“Motra ime tha se po bisedonte në mediat sociale me dikë dhe kjo nuk ishte puna e askujt sepse ajo donte të divorcohej “, tha Olcay.
Feyza Altun, avokatja i familjes së Esme Aksakal, vuri në dukje se vrasësit e grave kanë të njëjtën psikopati, pa marrë parasysh moshën e viktimës.
“Të pandehurit përpiqen të tregojnë alibi të ngjashëm. Gratë duhet të jenë të lira të përdorin mediat sociale dhe nuk duhet të përfundojnë të vrara. Kjo ishte një vrasje e qëllimshme “, tha avokatja.
“Familja e viktimës do të kërkojë një dënim të rëndë për Bilal Aksakal”, shtoi avokatja. TIRANA TODAY
