Ish-sekretarja amerikane e Shtetit, Hillary Clinton, e krahasoi rivalin e saj në zgjedhjet e kaluara presidenciale, Donald Trump me ish-presidentin Richard Nixon, i cili në vitin 1974 dha dorëheqjen si i përfshirë në skandalin “Watergate”.
Deklara e Clinton erdhi gjatë ceremonisë së diplomimit në kolegjin ”Wellesley” të Bostonit, shkolla ku u diplomua për Shkenca Politike, në vitin 1969.
Asokohe, Richard Nixon u dyshua se po pengonte drejtësinë, pasi ai shkarkoi prokurorin special të Departamentit të Drejtësisë, i cili po mbikëqyrte një hetim për veprimet e tij.
Clinton iu referua shkarkimit të prokurorit special, Archibald Cox, në vitin 1974, i cili drejtonte hetimet për skandalin e Watergate.
Clinton, e cila humbi përballë Trump në zgjedhjet e 8 nëntorit 2016, njoftoi Javën e kaluar krijimin e lëvizjes së saj të re ”Onward Together” me qëllim mbështetjen e njerëzve që përfshihen në politikë dhe që kundërshtojnë administratën Trump.
