Rivalja kryesore e Donald Trump në zgjedhjet presidenciale, Hillary Clinton, tha se amerikanët nuk e kanë “merituar” Trumpin duke shtuar se këto janë “kohë të rrezikshme”.
Këto komente ish-sekretarja amerikane e Shtetit i bëri në një konferencë në Mumbai të Indisë. Ajo tha se Trump ka “afinitet për diktatorët” dhe se ai “vërtet e pëlqen qëndrimin dhe sjelljen e tyre autoritare”, transmeton AP.
Gjithashtu, ajo tha se beson se një letër e ish-drejtorit të FBI-së, James Comey, dërguar Kongresit, në lidhje me përdorimin e emailit të saj privat, i ka kushtuar me mbështetjen e saj nga votuesit.
Kujtojmë se në shtator të vitit të kaluar, Clinton ka deklaruar se nuk do të garojë më për presidente, duke thënë se karriera e saj “si politikane aktive ka përfunduar”.
