Të lotosh në publik nuk ka asgjë të keqe, të paktën për ish-presidentin Amerikan.
Barack Obama, ditën e hënë gjatë një eventi ka hapur zemrën me audiencën, duke i treguar momentin e tij më të vështirë, i cili ishte kur vajza e tij e madhe Malia nisi studimet e larta.
“Për të gjithë ata që kanë vajza, kjo është e vështirë që të ndodhë. Pasi lashë Malian në universitet, m’u duk sikur sapo kisha bërë një ndërhyrje kirurgjikale në zemër”, u shpreh ish-presidenti para 600 vetave, të cilit ishin të pranishëm në event.
“U ndjeva mirë që nuk qava para saj, por në rrugën e kthimit nuk u përmbajta dot. Ishte shumë e vështirë,” theksoi ai.
Ndër të tjera, ai ka folur rreth të qenit prind dhe rëndësisë që ka familja. Siç është shprehur edhe herë të tjera, nga gjithçka që ka bërë deri më sot, më shumë krenar është për statusin e babait.
