Kryeministri Edi Rama gjen dhe kohën që të replikojë dhe me komentuesit e tij në rrjetin social në Facebook. Komentuesit i sugjeron të heqë dorë nga Vettingu sa kohë sipas tij ai do bashkqeverisë me Bashës pas zgjedhjeve.
Rama i ka bërë thirrje komentuesit që të votojë PS-në që ai të ketë timonin e qeverisë pa të tjerë në prehër.
Marrëveshja Rama-Basha dhe futja në kabinetin qeveritar të një zv/kryeministreje dhe 6 ministrave teknikë nga PD, ka thurur skenarë e kundër argumente, si në media ashtu edhe në korridoret e politikës lidhur me mundësinë e një bashkëqeverisjeje të mundshme PS-PD pas 25 qershorit.
Në replikë me të, Rama duket i qartë teksa shprehet se PS synon të ketë e vetme qeverinë pas 25 qershorit.
Replikat e Ramës me komentuesin në “Facebook”
Komentuesi: Nëse do bashkqeverisësh prapë me Bashen pas zgjedhjeve s’ke pse merresh me Vetting.
Rama: Voto PS Ledio që të kemi timonin e qeverisë pa të tjerë në prehër, lëri bashkëqeverisjet mbrapa se qeveria vendoset në 25 qershor.
Komentuesi: Po ai ciceroni jot Taulant Balla qe ka humb kundër çunit të Salës edhe ti s`ke pa gjo akoma po vjen Vettingu.
Rama: Mirë se të vijë Xhim Xhimi dhe mos e përdor fjalën ciceron pa i’a ditur kuptimin.
