Talenti gjerman që është aktualisht në radhët e Schalke, Leon Goretzka po shkon drejt fundit të kontratës dhe nuk ka ndërmend të rinovojë . Ai është në planet e disa ekipeve të mëdha si Manchester United, Arsenal dhe Barcelona,të cilat do të përpiqen ta sigurojnë lojtarin që në janar. 22-vjeçari është kthyer në një ndër talentet më të kërkuar në botë dhe rrezikon tu ikë nga duart gjermanëve si një lojtarë i lirë, pasi Schalke nuk ka qenë në gjendje ti plotësojë kushtet e kontratës që kërkon i riu.
Gjithashtu, Juventusi dhe Bayern Munich janë interesuar për lojtarin e talentuar, Goretzka është zotuar se një vendim për lëvizjen e tij të ardhshme është i afërt. “Unë duhet të zbuloj për veten se çfarë hapi tjetër duhet të jetë,” u tha ai gazetarëve pas barazimit 2-2 të Schalke me Këln.
“Unë duhet të marr parasysh një milion gjëra. Unë jam një person i cili është shumë i përpiktë në vendime të tilla. Unë luaj nëpër të gjitha skenarët. Kështu që kam nevojë për kohë. Nuk ekziston një afat, por mendoj se jemi në fazën përfundimtare. Vendimi përfundimtar do të bëhet në janar.”
Goretzka është aktualisht në sezonin e tij të pestë me Schalke, pasi u bashkua nga Bochum në vitin 2013. Ai kishte kulmin e karrierës sezonin e kaluar, pasi shënoi tetë gola në të gjitha garat dhe u bë udhëheqqësi i Gjermanisë në suksesin në Kupën e Konfederatave në Rusi.
Drejtori sportiv i Schalke, Christian Heidel, kishte njoftuar në nëntor se ende shpresonte që Goretzka të qëndronte i në ekip. Ai tha për SportBild: “Mendoj se nëse Schalke nuk ka asnjë shans për ta mbajtur atë, unë do të jem i pari që e di këtë, por unë nuk e kam marrë atë lloj informacioni deri tani”. Por Goretzka do të ketë lirinë që të hyjë në bisedime me ekipi e tij të ardhshëm që në muajin janar për të vendosur kushtet dhe për të gjetur akordin maksimal. TIRANA TODAY
