Sëmundjet e zemrës janë vrasësi numër 1 i burrave dhe grave. Kohët e fundit, mjekët kanë dhënë alarmin se çdo ditë po preken nga sëmundjet e zemrës, gjithashtu, edhe moshat e reja. Kujdes më të madh duhet të tregojnë personat, të cilët janë mbi 65 vjeç.
Simptomat, të cilët parandalojnë një atak në zemër janë:
Dhimbje në gjoks
Dhimbja e krijuar në gjoks është një nga simptomat e atakut në zemër. Por, kjo dhimbje nuk ndodh tek të gjithë personat. Dhimbjet ndjehen në qendër të gjoksit, ose pak më majtas, disa herë edhe në krahun e majtë.
Marrje mendsh
Sëmundjet e zemrës mund të shkaktojnë marrje mendsh dhe humbje të ndjenjave. Shkaktare mund të jenë aritmitë e zemrës.
Lodhje
Ndjehet një lodhje jo e zakonshme, kryesisht tek gratë, kjo ndodh para një sulmi të mundshëm kardiak. Sigurisht që lodhje të tilla mund të mos kenë aspak lidhje me zemrën. Por, nëse diçka ju duket ndryshe nga herët e tjera dhe keni një predispozicion për sëmundjet e zemrës, është një simptomë e cila nuk duhet të neglizhohet. Duhet të drejtoheni tek mjeku i familjes sa më shpejt të jetë e mundur.
Mungesë frymëmarrje
Shumë njerëz që kanë vështirësi në frymëmarrje, gjatë një aktiviteti normal ose dhe në momente pushimi, shpesh mund të kenë probleme në mushkëri, si astma ose bronkopneumopati kronike obstruktive. Por mund të jetë dhe një tregues i një ataku kardiak.
Djersitje
Fakti i mbushjes me djersë të ftohta, është një simptomë e atakut në zemër. Mund të jeni thjesht të ulur në karrige, kur papritur filloni të djersitni, sikur sapo keni kryer ushtrime fizike.
