Sokol Cikalleshi duket se më në fund ka lënë pas të gjithë problemet fizike që e kanë kushtuar deri tani në këtë sezon dhe ka luajtur ndeshjen e tij të parë si titullar me fanellën e Goztepe, duke e kurorëzuar edhe me një gol në suksesin 4-0 ndaj Çengelkojspor në Kupën e Turqisë.
Sulmuesi i përfaqësueses shqiptare, i cili kishte luajtur deri tani vetëm 38 minuta me klubin të cilit iu bashkua në fundin e merkaton së verës, u aktivizua nga minuta e parë në ndeshjen e sotme dhe ishte mjaft aktiv në fazën sulmuese, derisa gjeti edhe rrjetën në pjesën e dytë të ndeshjes, shkruan Vipsport.
Pas një aksioni në të djathtën ai hyri në zonë dhe mposhti portierin me një gjuajtje të fortë, duke realizuar kësisoj goli e tij të parë e çuar shifrat përkohësisht në 3-0.
