Sokol Cikalleshi ka bërë një hap mjaft të rëndësishëm në karrierën e tij, pasi është rikthyer sërish në elitën e futbollit turk. Media turke “Ajansspor” raporton se klubii Goztepe që kishte shfaqur interes për bomberin kavajas ka gjetur akordin me të dhe shumë shpejt do të firmoset edhe kontrata.
Goztepe është një skuadër mjaft e mirë dhe sezonin që lamë pas e mbylli e gjashta në tabelë, ndërkohë që Osmanlispor, ekipi ku aktivizohej Cikalleshi ra një kategori më poshtë. Kjo lëvizje ka ardhur edhe për shkak se sulmuesi i Goztepe, Demba Ba është larguar për t’iu bashkuar Shanghai Shenua në Superligën e Kinës.
Cikalleshi largohet kështu nga Osmanlispor pas një sezoni në të cilin zhvilloi në total 14 ndeshje duke realizuar dhe 4 gola në të gjitha kompeticionet. Goztepe do të jetë skuadra e 4-t e 28-vjeçarit në Superligën turke, pas Istanbul Basaksehir, Akhisar dhe Osmanlispor.
