Lojtari i Kombëtares Shqiptare, Sokol Cikalleshi ka pranuar momentin jo të mirë të përfaqësueses. Në një konferencë për shtyp, Cikalleshi tha se ndeshja kundër Izraelit është mundësia më e mirë për t’u rikthyer në ritmet e Europianit.
Edhe Armando Sadiku shfaqet optimist teksa pret një fitore në duelin e së dielës, ndërsa shton së për të skema me dy sulmues është një zgjidhje më e mirë, por ajo nuk aplikohet nga De Biasi.
Shqipëria përballet të dielën me Izraelin me synim fitoren për të larguar periudhën negative që ka pushtuar kuqezinjtë, sidomos pas humbjes befasuese në takimin miqësor kundër Luksemburgut.
Kombëtarja shqiptare aktualisht mban vendin e katërt në grupin B me 3 pikë më pas se pozicioni numër 3, i cili mbahet pikërisht nga Izraeli.
