Nuk ka asnjë dyshim se George Clooney është një nga aktorët më të suksesshëm në Hollywood. Por ai nuk ishte kaq i suksesshëm derisa u bashkua me Amal Alamuddin, një avokate e specializuar në të drejtat publike dhe të drejtat e njeriut. Një avokate e zonja që ka përfaqësuar klientë të profilit të lartë si themeluesi i WikiLeaks, Julian Assange.
Çiftet e fuqishme, janë ata çifte që përpiqen të jenë të suksesshëm në fushat e tyre, duke mbështetur ambiciet e njëri-tjetrit. Sigurisht që nuk është e domosdoshme që të dy të kenë karrierë, por hulumtimet tregojnë se nëse jeni çift ka më shumë shanse që ju dhe partneri juaj të jeni të suksesshëm.
Ndërkohë që të qenit çift ka avantazhe ku secili ka një karrierë ambicioze të pavarur, rritja e të ardhurave është e dukshme ka edhe sfida të rëndësishme, veçanërisht kur përzihen fëmijët.
Pra, si bëjnë çiftet e suksesshme të balancojnë kërkesat e karrierës dhe marrëdhënieve të tyre?
Phyllis Moen, një sociolog në Universitetin e Minesotës, i cili ka intervistuar qindra çifte thotë se kur ju angazhoheni për të punuar me ambicie në karrierën tuaj do të angazhoheni edhe në karrierën e tyre sikurse në tuajën.
Çfarë bëjnë çiftet e fuqishme ndryshe nga të tjerët?
- Përdorin teknikën e kërcimit. Nëse në një moment të caktuar njërit prej partnerëve do ti duhet të sakrifikojë për tjetrin ai tregohet i gatshëm, dhe partneri përpiqet ti vendosë arritjet në funksion të tjetrit.
- Ata gjejnë kohë për njëri-tjetrin. Pavarësisht impenjimeve dhe detyrimeve që kërkon karriera, çiftet e fuqishme gjejnë gjithnjë kohë për ti kushtuar njëri tjetrit.
- Bashkëpunojnë në punët e shtëpisë. Megjithëse anketimet tregojnë se nënat vazhdojnë të punojnë më shumë me menaxhimin e familjes sesa baballarët, çiftet e fuqishme kanë tendencë të ndajnë punët në mënyrë të barabartë.
- Ata kërkojnë të jenë sa më fleksibël. Në partneritet nuk ka role të përcaktuara, ju bëni çdo gjë që është e nevojshme për ti çuar gjërat përpara. Dhe nëse e doni njëri-tjetrin, suksesi është me ju. (TIRANA TODAY)
