Spektakël dhe gola në “Artemio Franchi” mes Fiorentinës dhe Romës. 2-4 për “verdhekuqtë” përfundoi kjo sfidë, ku 4 nga 6 golat u realizuan në pjesën e parë. Dy herë i dha epërsinë Romës Gerson, por Veretout dhe Simeone po kaq herë kthyen baraspeshën në rezultat. Në të 50-ën, Manolas gjeti rrjetën e tretë, ndërsa finalizimi që mbylli llogaritë mban firmën e Perottit 3 minuta para përfundimit të kohës së rregullt.
Napoli i rekordeve nuk shkon më shumë se barazimi pa gola në transfertën e Chievos. Skuadra e Sarrit edhe pse e dominoi lojën nuk mundi të gjente fitoren e 11-të sezonale, megjithatë mbetet në krye me vetëm një pikë më shumë se Juventusi. Kujtojmë që napoli ka pasur disa mungesa për shkak të dëmtimeve.
Juventusi luan keq për një pjesë loje, megjithatë arrin të fitojë 2-1 me përmbysje ndaj Beneventos, një prej skuadrave më të dobëta të Serisë A. Për çudi të të gjithëve “bardhezinjtë” e panë veten në disavantazh që në minutën e 19-të, teksa realizoi për miqtë Ciciretti, gjithsesi, në pjesën e dytë, Gonzalo Higuain barazoi takimin, para se Cuadrado të shënonte golin e fitores për skuadrën e Allegrit.
