Chelsea nuk i lë asnjë shans Qarabagut dhe e mposht me rezultatin e thellë 4-0 në Baku. Azerët janë shkatërruar në të dyja sfidat nga “Blutë e Londrës”, ku me rezultat të përgjithshëm janë mposhtur 10-0. Në ndeshjen e sotme Qarabag është ndëshkuar me dy kartona të kuq dhe nuk ka arritur të rrezikojë asnjëherë portën e mbrojtur nga Courtois.
Në minutën e 19 do të vinte ajo ndërhyrje në dëm të Willian nga kapiteni i Qarabag që ndryshoi rrjedhën e lojës. Pasi gjyqtari portugez De Sousa e ka vlerësuar si të gabuar dhe ka akorduar 11-metërsh, i cili u kthye në gol nga ylli belg, Hazard. Në këtë moment kapitenit të azerëve i është treguar kartoni i kuq që e ka përjashtuar, duke ia vështirësuar misionin Qarabagut, por mbetet i dyshimtë vendimi i arbitrit në këtë aksion.
Goli i dytë do të vijë nga një kombinim spektakolarë mes Willian dhe Hazard, ku ky i fundit asiston me finte për brazilianin i cili i vetëm përballë portierit e ka mjaft të ehtë ta dërgojë topin në rrjetë.
Goli i tretë ka ardhur sërish nga pika e bardhë e penalltisë, pas një faulli në zonë në dëm të Willian. Këtë herë është Fabregas që merr përsipër ekzekutimin dhe e dërgon në rrjetë duke shuar çdo shpresë të azerëve.
Goli i katërt vjen nga një goditje mjaft e fortë në kufij të zonës nga braziliani Willian i cili befason portierin. Pa dyshim që braziliani është njeriu i ndeshjes.
CSKA e Moskës ka arritur të marrë një fitore mjaft të vyer e cila e ngjit atë në vendi e dytë, me tre pikë më shumë se Basel i Taulant Xhakës. Këta të fundit do të presin në shtëpi Manchester United, për të mos dalë pa pikë. Nga një gol për çdo pjesë ka mjaftuar për të siguruar fitoren ndaj Benfikës, e cila është në formën më të keqe, pasi po e mbyll fazën e grupeve me 0 pikë. Në minutën e 13’ është Schannikov që zhbllokon rezultatin, ndërsa në të 56’ një autogol nga Jardel vulos shifrat për këtë takim.
