Liverpuli përballet me RB Leipzigun sonte në Budapest teksa skuadra e Jurgen Kloppit kërkon të mbajë gjallë sezonin duke siguruar një vend në çerekfinalet e Ligës së Kampionëve.
Kampionët e Premier Ligës në fuqi, kurora e të cilëve gati ka rënë gjatë kësaj periudhe, hyjnë në këtë ndeshje kthimi me një epërsi të përgjithshme 2-0 pasi fituan në Gjermani ndeshjen e kaluar.
Ndeshja e parë, e cila gjithashtu u zhvillua në ‘Puskas Arena’, shkoi në favor të ‘redsave’ falë golave të Mohamed Salahut dhe Sadio Manesë, të cilët mbartin ‘të kuqtë’ në prag të kalimit të sigurt në raundin tjetër.
Një arritje e tillë do të bënte që skuadra e Kloppit të përmirësohej në raport me edicionin e kaluar, kur ata u nxorrën jashtë nga Atletico Madridi në këtë fazë të garës.
Roberto Firmino dhe Ozan Kabak nuk luajtën në humbjen ndaj Fulhamit në fundjavë, që të dy dyshime edhe për ndeshjen e sotme. Ndërkohë, dëmtimet afatgjata të Jordan Hendersonit, Virgil van Dijkut, Joe Gomezit dhe Joel Matipit janë mungesa të sigurta.
Leipzigut mund t’i duhet të bëjë pa mbrojtësin e fashës së majtë Angelinon, dhe Marcel Sabitzerin si dhe Willi Orbani mund të mungojnë gjithashtu për Julian Nagelsmannin. Marcel Halstenberg, Konrad Laimer dhe Dominik Szoboszlai nuk do të jenë të pranishëm për ekipin e Bundesligës, por Emil Forsberg mund të kthehet pas mungesës në ndeshjen e parë.
Formacionet e mundshme:
Liverpool: Alisson; Alexander-Arnold, Kabak, Fabinho, Robertson; Thiago, Wijnaldum, Jones; Jota, Salah, Mane
Leipzig: Gulacsi; Mukiele, Upamecano, Klostermann; Adams, Sabitzer, Kampl, Olmo, Angelino; Sorloth, Nkunku
