Roma tregon një karakter dhe një lojë të një ekipi kampion, duke mposhtur Chelsean me rezultatin e thellë 3-0. Një rezultat i papritur ky, pasi duke parë ndeshjen e luajtur pak ditë më parë ishte e luftuar fort nga të dy ekipet dhe u mbyll në një barazim spektakolar 3-3. Roma ka marrë vendin e parë duke lënë pas Chelsean dhe Atl.Madrid. Dygolëshi i El Shaarawyit dhe ai supergol i Perrotit kanë vendosur në këtë ndeshje. Atletiko i Simeone është ndalur edhe në Spanjë nga surpriza Qarabag, që u kthye në një ekip të pamposhtur. Duke lenë madrilenët në vendin e tretë me vetëm tre pikë dhe mundësitë për të shkuar me tej janë ta pakta.
Manchester United vuan në pjesën e parë duke humbur edhe një penallti nga Martial, por një goditje e Matic prek shtyllën në minutën e fundit dhe topi që kthehet prek portierin. Përfundon në rrjetë, i pafat gardiani 18-vjeçarë Silver në të dyja sfidat. United me këtë fitore merr vendin e parë dhe siguron kualifikimin përtej fazës së grupeve. Basel mbanë vendin e dytë edhe pse mposhtet nga CSKA me një përmbysje të papritur në pjesën e dytë. Të dy ekipet qëndrojnë me pikë të barabarta , por Basel e ka mposhtur me rezultat më të thellë në Moskë.
Juventus nuk arrin më shumë se një barazim në Lisbonë, janë vendasit që shënojnë që në pjesën e parë dhe tregohen mjaft të kujdesshëm në pjesën e mbetur të lojës. Është Higuain që barazon në minutën e 79’, ky gol u jep zemër bardhezijëve, por që në sulmet e radhës nuk arrijnë ta përmbysin ndeshjen. Me këtë barazim Juve mbanë vendin e dytë me shtatë pikë, me Barcelonën e vendit të parë me 10 pikë, që nuk arriti më shumë se një barazim në përballjen me Olympiacos.
PSG shkatërron sërish Anderlechtin, këtë herë 5-0 dhe lojtari i ndeshjes ka qenë mbrojtësi i krahu Kurzawa. Ai ka arritur të gjejë tre herë rrugën e rrjetës në këtë sfidë, duke marrë topin në shtëpi. Por më e rëndësishmja mbanë ekipin në vendin e parë në grup. Golat tjerë janë shënuar nga Neymar dhe Verrati. Të dy kanë shënuar gola spektakolar duke treguar që në këmbët e tyre kanë klas të madh. Ndërsa ndeshja tjetër e këtij grupi është fituar nga Bayern Munich i cili vazhdon të ndjekë hap pas hapi PSG-n, për tu hakmarrë ndoshta në ndeshjen e fundit dhe të marrë kryesimin.
Rezultatet e të gjitha ndeshjeve:
20:45 Finished Atl. Madrid 1 – 1 Qarabag
20:45 Finished Basel 1 – 2 CSKA Moscow
20:45 Finished Celtic 1 – 2 Bayern Munich
20:45 Finished Manchester United 2 – 0 Benfica
20:45 Finished Olympiakos Piraeus 0 – 0 Barcelona
20:45 Finished Paris SG 5 – 0 Anderlecht
20:45 Finished Sporting 1 – 1 Juventus
20:45 Finished AS Roma 3 – 0 Chelsea
