Champions League vazhdon edhe sonte me sfida mjaft të forta dhe interesante që premrojnë spektakël. Siparin e supersfidave e hap Qarabag i Ansi Agollit, i cili për shkak dëmtimi nuk do ta shohim akoma në fushën e lojës, ku përballë do të ketë italianët e Romës. Ndërsa Anderlecht do të presë Celtic, të dy ekipet do të luftijnë për të marrë pikët e para në këtë fazë grupesh. Basel i Taulant Xhakës do të presë portugezët e Benfica për të shpresuar tek pikët e para të cilat mund të jenë vendimtare për të kaluar grupin.
Spektakël pritet të dhurojë përballja Atl Madrid-Chelsea, ku londinezët kërkojnë të vazhdojnë kryesimin e grupit, ndërsa vendasit do të kërkojnë tre pikëshin e parë pas atij barazimit me Romën. Interesante do të jetë edhe Barcelona që udhëtim në Lisbonë përballë Sporting, ku do të bie në sy mungesa e blerjes së madhe Dembele.
Një tjetër duel në Moskë ku është paralajmëruar tension, CSKA do të presë sonte Manchester United, të dy ekipet ndajnë nga tre pikë dhe pritet të kuptohet se kush do të marrë kreun. Juventus pret grekët e Olimpiakos në ‘Juve Stadio’, grekët kanë probleme në brendësi pasi kanë shkarkuar trajnerin pak dit më parë dhe janë akuzuar disa lojtarë për mos impenjim të plotë.
Kryesfida e darkës do të jetë përballja në Paris, ku Psg e Emery do të presë Bayern-in e Ancheloti-t. Ekipi i milionave kërkon këtë vit të shpërblejë tifozët e tij me trofeun e Champions League, ndërsa gjermanët ndjehen favoritë pasi kanë grupin që loz me shpirt që vlen më shumë se milionat e sheikëve. /Tirana Today/
