Napoli arrin të mposht Shaktar Donetsk në sfidën direkte, për të shpresuar në një kualifikim në ndeshjen e fundit. Pas një pjese të parë të dobët, me një Shaktar që dukej se e kishte përgatitur mirë ndeshjen dhe qëndronte mjaft mirë e mbyllur mbrapa, pjesa e dytë ka histori tjetër. Napolitanët shënojnë tre gola në pjesën e dytë, me Insigne, Zielinski dhe Mertens.
Insigne shënon një gol të jashtëzakonshëm nga jashtë zone, por që janë gola tipik për një lojtarë me kualitete të tillë.
Goli i dytë vjen pas një kombinimi perfekt të Mertens me Zielinskin, që e nxjerr këtë të fundit të vetëm para portës dhe kishte detyrë vetëm të dërgonte topi në rrjetë.
Mertens shënon gol me kokë, që nuk janë në guston e tij për shkak të gjatësisë. Por pas goditjes së Albiol dhe devijimit të portierit, belgu godet me kokë dhe dërgon topin në portën e boshatisur.
Kjo fitore i jep shpresë Napolit për një kualifikim përtej fazës së grupeve, po duhet të shpresojë tek ndeshja e fundit e Shaktarit me Manchester Cityn, ku këta të fundit duhet të fitojnë patjetër që të kualifikohen italianët.
APOEL 0-6 Real Madrid
Madrilenët e Zidane kanë shpërthyer në gola pas disa javësh zhgënjyese duke shkatërruar qipriotët e APOEL me një rezultat të thellë 6-0. Fakt pozitiv në këtë goleadë është se dy sulmuesit që vuanin për gola, janë zhbllokuar me nga dy gola secili, Ronaldo dhe Benzema.
Siparin e golave e ka hapur Luka Modric i cili shënon një gol mjaft të bukur me një goditje nga jashtë zone. Më pas është Benzema që dyfishon rezultatin, për tu pasuar nga një gol i qendërmbrojtësit Nacho. Goli i katërt në fundin e pjesës së parë është shënuar sërish nga sulmuesi Francez Benzema. Ndërsa në pjesën e dytë është Ronaldo që shënon dy gola të shpejtë, për të vendosur një rekord tëri në historinë e Champions League. Ai është i vetmi lojtarë që ka shënuar 18 gola në harkun e 1 viti në këtë kompeticion të futbollit.
Monaco 1-4 Leipzig
Monaco është shkatërruar në shtëpi nga gjermanët e Leipzig me rezultat 1-4, për ti shuar të gjitha shpresat për kualifikim edhe pse Besiktas kishte barazuar me Porton. Kanë qenë dy gabime të shpejta në mbrojtjen e francezëve që kanë shkatërruar ecurinë e sfidës, për tu pasuar nga një 11- metërsh. Falcao shënon golin e nderit në fundi e pjesës së parë për Monacon.
Dortmund 1-2 Tottenham
Tottenham është konfirmuar si kokë grupi pasi ka përmbysur rezultatin përballë Dortmund në “Signal Iduna Park”. Ishte Aubumeyang që kalon në avantazh, duke arritur ta ruajnë në pjesën e parë. Por në të dytën dy golat nga Kane dhe Son, përmbysën gjithçka. Duke e nxjerrë Dortmundin jashtë këtij kompeticioni në formën më të keqe që kishte bërë ndonjëherë.
Sevilla 3-3 Liverpool
Liverpool i Klopp eenisi shumë art ndeshjen përballë Sevillias duke shënuar tre gola të shpejtë më Firmino dhe Mane. Por në pjesën e dytë gjithçka është përmbysur, pasi vendasit kanë arritur ta rikuperojnë disavantazhin e tre golave. Ben Yendder me nje dopietë dhe Pizarro në minutat shtesë, bënë që sfida të mbaronte me rezultatin 3-3. Me këtë rezultat asgjë nuk ndryshon në grupin e tyre dhe Liverpool mbanë vendin e parë ndërsa Sevilla të dytin.
Manchester City 1-0 Feynoord
Manchester City kishte një ndeshje të lehtë në letër përballë Feynoord, që mbanë 0 pikë në grup. Por që hasi shumë vështirësi dhe arriti ta zhbllokonte ndeshjen vetëm dy minuta para përfundimit të ndeshjes me Sterling. City i Guardiolas mban vendin e parë në grup dhe në ndeshjen e fundit do të ketë përballë Shaktarin, ku nga ajo sfidë do të vendosen fatet e vendit të dytë. TIRANA TODAY
