Xhisiela u “godit” nga media, e jo vetëm. Rrjetet sociale shpërthyen me komentet, duke e gjunjëzuar për aktin e ndërmarrë. Por në këtë histori u përfshinë edhe familjarët e saj. Pak ditë më parë, gjyshi i tij u bë protagonist në media, duke thënë se politika nuk duhet të përfshihet.
Po të njëjtën qëndrim ka mbajtur edhe më herët Xhisiela. Ajo ka kërkuar që rasti i saj të mos politizohet. Por jo vetëm kaq, ai kërkoi që edhe çifti të bashkohet. Mbrëmjen e djeshme, një sasi tritoli ka tronditur banorët e fshatit Larushk në Fushë-Krujë. Një shpërthim me lëndë eksplozivi ka ndodhur në oborrin e banesave të familjarëve të Xhisiela Malokut.
Shpërthimi ka ndodhur në cepin e banesave të Ramazan dhe Besim Muçës, vëllezër me njëri-tjetrin. Ky i fundit njihet edhe si gjyshi i Xhisielës nga ana e nënës. Në këtë banesë ajo ka jetuar bashkë me nënën dhe motrën.
Çfarë deklaronte pak ditë më parë në media gjyshi i 25-vjeçares?
Gjyshi i Xhisielës tha se nuk kishte dijeni për ngjarjen e bujshme.
“Nuk dimë asgjë, as vajza ime nuk ka ditur gjë”, tregonte Besim Muça, gjyshi i Xhisielës.
“Nuk dimë asgjë, çfarë kemi marrë vesh nga televizori. Ajo ka mbaruar për Shkenca Politike. Besoj se ajo edhe me të ëmën nuk është aq e hapur. Ka disa ditë që se kam parë fare vajzën”, shprehet nga ana tjetër Lutfije Muça, e afërme e Xhisielës.
Aktualisht janë shoqëruar në rajon 9 persona. Fatmirësisht nuk ka të lënduar, as dëme materiale.
